హైదరాబాద్ : మునుగోడు శాసనసభ స్థానం ఉప ఎన్నికకు శుక్రవారం నోటిఫికేషన్‌ వెలువడనున్నది. శుక్రవారం నుంచి ఈ నెల 14 వరకు నామినేషన్ల ప్రక్రియ కొనసాగనున్నది. ఇందుకోసం అధికారులు ఏర్పాట్లు పూర్తి చేశారు. చండూరు తహసీల్దార్ కార్యాలయంలో నామినేషన్ల ప్రక్రియ కొనసాగనుండగా.. రిటర్నింగ్‌ అధికారిగా జగన్నాథరావు వ్యవహరించనున్నట్టు కలెక్టర్‌ వినయ్‌కృష్ణారెడ్డి తెలిపారు. ఎన్నికల కోడ్‌ ఈ నెల 3 నుంచే అమల్లోకి వచ్చిన విషయం తెల్సిందే. ఉప ఎన్నికను పకడ్బందీగా నిర్వహించేందుకు అధికారులు ప్రత్యేక బృందాలను ఏర్పాటు చేశారు. ఉదయం 11 నుంచి మధ్యాహ్నం 3 వరకు ఉంటుందని, నామినేషన్‌ దాఖలు చేసే వ్యక్తితో కలిసి ఐదుగురికి మాత్రమే కార్యాలయంలోకి అనుమతి ఉంటుందని అధికారులు తెలిపారు. కాగా ఈనెల 15న నామినేషన్ల పరిశీలన, 17న నామినేషన్ల ఉపసంహరణ, నవంబర్‌ 3న పోలింగ్‌, 6న కౌంటింగ్‌ నిర్వహించనున్నారు
మునుగోడు ఉపఎన్నిక కోసం నేటి నుంచి నామినేషన్లు
